निजि स्वार्थभन्दा माथि उठेर संस्थागत हितमा काम गर्न प्रहरी महानिरीक्षक कुँवरको निर्देशन

बुटवल । नेपाल प्रहरीका महानिरीक्षक वसन्तबहादुर कुँवरले आमनागरिक र समाजप्रति प्रहरी बढी जिम्मेवार भएको बताएका छन् । ईलाका प्रहरी कार्यालय बुटवलको नवनिर्मित प्रशासनिक भवनको उद्घाटन गर्दै महानिरीक्षक कुँवरले निजि स्वार्थभन्दा माथि उठेर संस्थागत हितमा काम गर्न मातहात निकायलाई निर्देशन दिएका छन् ।

निस्वार्थ गरिएको सेवाले मात्र नागरिकलाई शान्ति सुरक्षाको अनुभुति हुने बताउँदै महानिरीक्षक कुँवरले सुरक्षा व्यवस्थामा कुनै कसर बाँकी नराख्ने अडान लिए ।

यस्तै रुपन्देहीका प्रमुख जिल्ला अधिकारी भरतमणी पाण्डेले आन्तरिक सुरक्षा बलियो बनाउने खम्बा नेपाल प्रहरी भएको बताएका छन् । आमजनता संग प्रत्यक्ष सरोकार गर्ने निकाय नै प्रहरी भएका कारण शान्ति,सुरक्षा दिने सन्र्दभमा नागरिकमैत्री हुन जरुरी रहेको बताउँदै रुपन्देहीको शान्ति सुरक्षा सन्तोषजनक रहेको उनले बताए ।

कार्यक्रममा बुटवल उपमहानगरपालिकाका मेयर खेलराज पाण्डेले विनावर्दीका नागरिक पनि प्रहरी भएका कारण समाजमा हुने विकृति,विसंगतिको विरुद्धमा नेपाल प्रहरी संग हातेमालो गर्नुपर्ने औँल्याए ।