आईसीसी वरीयतामा दीपेन्द्र र सन्दीपको सुधार

आईसीसी एकदिवसीय वरीयतामा नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी र स्पिनर सन्दीप लामिछानेले सुधार गरेका छन् । अन्तर्राष्ट्रिय क्रिकेट परिषद् (आईसीसी) ले सार्वजनिक गरेको पछिल्लो वरीयतामा दीपेन्द्र र सन्दीपले सुधार गरेका हुन् ।

घरेलु मैदानमा भर्खरै सम्पन्न आईसीसी क्रिकेट विश्वकप लिग–२ एकदिवसीय त्रिदेशीय शृङ्खलामा दीपेन्द्रले राम्रो प्रदर्शन गरेका थिए । एकदिवसीय अलराउन्डर वरीयतामा दीपेन्द्र १२ स्थान सुधार गर्दै ३१औँ स्थानमा उक्लिएका छन् । यो वरीयतामा सन्दीपले ७ स्थान सुधार गर्दै ७१औँ स्थानमा उक्लिएका छन् ।

यस्तै सन्दीप एकदिवसीय बलिङ वरीयतामा १५ स्थान सुधार गर्दै ४३औँ स्थानमा आइपुगेका छन् । एकदिवसीय ब्याटिङ वरीयतामा नेपालका कुनै पनि खेलाडी शीर्ष १०० मा अटाउन सकेका छैनन् ।