दाङमा वन कर्मचारीहरुकै मिलोमतोमा खुलेआम काठ तस्करी

दाङमा वन कर्मचारीहरुकै मिलोमतोमा खुलेआम काठ तस्करी भइरहेको छ । सरकारी निकाय र सुरक्षाकर्मीकै मिलमतोमा तस्करी भएको भन्दै स्थानीयले दोषिलाई कारवाहीको माग गरेका छन् ।

स्थानीयले दङ्गीशरण सव डिभिजन वन कार्यालय श्रीगाउका कार्यालय प्रमुख वन अधिकृत दयाराम पौडेलको आदेशमा रुख काटिएको दावी गरेका छन ।विभिन्न तेइस प्रजातिका बाहेक रुख काट्न वन कार्यालयले टाँचा लगाउनुपर्ने र छपान गर्नुपर्ने नियम छ । तर अधेरेको जंगलमा त्यसको समेत पालना भएको छैन । नियम विपरित रुख काटिएको विषयमा वन अधिकृत दयाराम पौडेलले भने अनभिज्ञता प्रकट गरेका छन्।

वन कार्यालयको तीन किलोमिटरको दूरीमा धमाधम रुख कटान हुँदा पनि कार्यालयले देखे नदेखे झैं गरेको भन्दै स्थानीय आक्रोशित भएका छन । वन कार्यालयका कर्मचारीले नै आर्थिक प्रलोभन देखाएर रुख काटेको उनीहरुको दावी छ ।