भर्लाबास – काठमाण्डौँ रुटमा ६ महिना पनि टिकेन सारथी, के भन्छन् गाडीधनी ?

साझाकुरा भलवाड : ६ महिना अगाडि तामझाम सहित वाणगंगा ९ बाट आफ्नो सेवा सुरुवात गरेको सारथी बस ६ महिना पनि उक्त रुटमा टिक्न सकेन । स्थानीयको सहयोग नभएका कारण आफूहरुले उक्त ठाउँबाट सेवा छाड्न परेको गाडीधनी इश्वर कार्कीले बताए ।

स्थानीय स्टाफ हुदाँ राम्रो सेवा भलवाडबाट पाएको बताए पनि स्थानीय स्टाफले गाडीको जिम्मेवारीबाट बाहिरीए पछि आफुहरु रहरले भन्दा पनि बाध्यताले भलवाड छाड्न परेको गाडीधनी कार्कीले ईसाझाकुरालाई बताए ।

सारथी पछिल्लो समय भलवाड छाडेपछि भैरहवा – काठमाण्डौँ रुटमा चलेको छ । भलवाडबाट सेवा दिदाँ चैत्र महिनामा ३ लाख बढी घाट भएको गाडी सञ्चालकहरु बताउन्छन् । भलवाडबाट सारथीका ३ ओटा बसले सेवा दिदै आएको थियो ।