कर्तव्य ज्यान मुद्दामा २० वर्ष सजाय तोकिएका व्यक्ति १३ वर्षपछि पक्राउ

कर्तव्य ज्यान मुद्दामा २० वर्ष कैद सजाय तोकिएपछि फरार रहेका व्यक्ति सजाय तोकिएको १३ वर्षपछि पक्राउ परेका छन् ।

रोल्पा कोटगाउँ ६ घर भई हाल दाङको भौवा बस्दै आएका ६० वर्षिय श्यामबहादुर झाँक्रीलाई प्रहरीले पक्राउ गरेको हो । जिल्ला अदालत रोल्पाको २०७० वैशाख ३१ गतेको फैसलाले झाँक्रीलाई कर्तव्य ज्यान मुद्दामा २० वर्ष कैद सजाय तोकेको थियो।

अदालतको फैसला कार्यान्वयन नभई फरार रहेका उनलाई खोजी गर्ने क्रममा दाङ प्रहरीले पक्राउ गरेको हो । पक्राउ परेका झाँक्रीलाई आवश्यक कानुनी कारबाहीका लागि प्रक्रिया अगाडि बढाइएको प्रहरीले जनाएको छ।