स्रोत नखुलेको ६ लाख भारतिय रुपैंयासहित दुई जना पक्राउ

बाँके प्रहरीले स्रोत नखुलेको ६ लाख भारतिय रुपैंयासहित दुई जनालाई पक्राउ गरेको छ।

पक्राउ पर्नेमा जिल्लाको नरैनापुर गाउँपालिका – ५ का २९ बर्षीय बिरबल कुम्हार र नरैनापुर – ४ का ३८ बर्षीय मुनिब खाँ रहेका छन् ।

जिल्ला प्रहरी प्रबक्ता डिएसपी दीपक पातलीका अनुसार उनीहरुलाई नेपालगंज उपमहानगरपालिका – ३ एकलैनी बाट शुक्रबार पक्राउ गरिएको थियो।

पक्राउ परेका दुबै जनालाई आवश्यक कारबाहीका लागि राजश्व अनुसन्धान कार्यालय कोहलपुरमा पठाइएको प्रहरीले जानकारी दिएको छ।