भोली बन्द हुँदैन, निर्वाध रुपमा चल्छ ढुक्क हुनुहोस : जिल्ला प्रशासन कार्यालय रुपन्देही

फागुन २१ गते हुने प्रतिनिधिसभा निर्वाचन बहिस्कार गर्ने भन्दै भोली मँगलबारका लागि आह्वान गरिएको बन्दको हल्लाले रुपन्देहीका शैक्षिक संस्था तथा यातायात व्यवसायी त्रसित भएका छन् । कतिपय विद्यालयहरुले नेपाल बन्दका कारण भोली विद्यालय सञ्चालन नहुने भन्दै अभिभावकलाई जानकारी गराउन थालेका छन् । 

जिल्ला प्रशासन कार्यालय रुपन्देहीले भने भोलि मँगलबार नियमितकै जसरी निर्वाधरुपमा सञ्चालन हुने बताएका छन् । आवश्यक सुरक्षा व्यवस्थाका लागि सरकार तयार रहेको बताउँदै उनले बजार, पसल, विद्यालय तथा कलकारखाना निर्वाध रुपमा सञ्चालन गर्न र नेपाल बन्दको भ्रममा नपर्न आग्र गरेका छन् । ग्लोबल आवाजसँग कुरा गर्दै प्रमुख जिल्ला अधिकारी माधवप्रसाद पोखरेलले जनतालाई भयभित नभई निर्वाध रुपमा आफ्नो काममा लाग्नका लागि आह्वान गरे । 

नेपाल कम्युनिष्ट पार्टी (बहुमत) नाममा माघ २५ गते जारी गरिएको विज्ञप्ती सोमबार दिउँसोदेखि एकाएक चर्चामा आएसँगै सर्वसाधरण अन्यौलमा परेका हुन् । उक्त विज्ञप्तिमा फागुन ५ गते प्रतिनिधिसभाको निर्वाचनलाई बहिस्कार गर्ने भन्दै बन्द आह्वान गरिएको छ । 

सोमबार चर्चामा आएको विज्ञप्ती :