जबरजस्ती करणी अभियोगका फरार आरोपित डेढ वर्षपछि पक्राउ

पाल्पा प्रहरीले जबरजस्ती करणीको अभियोगमा एक जनालाई पक्राउ गरेको छ।

तानसेन नगरपालिका वडा नम्बर १० क्षेत्रीटोल बस्ने ६२ वर्षीय तारा बहादुर कार्की एक युवतीलाई जबरजस्ती करणी गरी फरार भएको डेढ बर्षपछि पक्राउ परेका हुन्।

जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक सुनिल मल्लका अनुसार तारा बहादुरमाथि २०८० पुस २० गते पाल्पाकी २३ वर्षीय युवतीलाई जबरजस्ती करणी गरेको अभियोगमा उजुरी दर्ता भएको थियो।

पीडित युवतीको आमाले २०८० पुस २२ गते जिल्ला प्रहरी कार्यालय पाल्पामा जाहेरी दिएपछि तारा बहादुर फरार थिए। तारा बहादुरलाई खोजी गरिरहेको प्रहरीले उनलाई आइतबार पक्राउ गरेको हो।

आइतबार तानसेन नगरपालिका वडा नम्बर ४ लहरेपिपलबाट नियन्त्रणमा लिई जिल्ला अदालतबाट पाँच दिनको म्याद थप गरी घटनाबारे अनुसन्धान सुरू गरिएको मल्लले जानकारी दिए।