सर्पले डसेर बालिकाको मृत्यु

दाङ । दाङको तुलसीपुरमा सर्पले डसेर एक बालिकाको मृत्यु भएको छ । शनिबार सर्पले डसेपछि घाइते भएकी तुलसीपुर उपमहानगरपालिका १२ हरिपौरीकी १३ वर्षीया दक्षिना वलीको उपचारका क्रममा आइतबार मृत्यु भएको इलाका प्रहरी कार्यालय तुलसीपुरले जनाएको हो ।

वलीलाई शनिबार दिउँसो घरमा सुतिरहेको बेला सर्पले डसेको थियो । उनलाई राप्ती प्रादेशिक अस्पताल तुलसीपुरमा प्रारम्भिक उपचारपछि थप उपचारका लागि नेपालगञ्जस्थित भेरी अस्पताल लगिएको थियो । अस्पतालमा उनको मृत्यु भएको प्रहरीले बताएको छ ।

प्रतिक्रिया