बर्दियामा लागूऔषध ब्राउन सुगरसहित दुईजना पक्राउ

बर्दियामा लागूऔषध ब्राउन सुगरसहित दुईजना पक्राउ परेका छन्। लागूऔषध ब्राउन सुगरसहित मधुवन नगरपालिका, ८ का २३ वर्षीय भुपेन्द्र राना क्षेत्री र सोही पालिका ६ का ३९ मेहदी हसन अन्सारी पक्राउ परेका हुन् ।

इलाका प्रहरी कार्यालय ढोढरीले शुक्रवार बिहान शंका मानेर सोधपुछ तथा चेकजाँच गर्दा लागू औषध ब्राउन सुगर राना क्षेत्री र अन्सारीलाई नियन्त्रणमा लिएको जिल्ला प्रहरी कार्यालयका सूचना अधिकारी प्रहरी नायब उपरीक्षक रेशम बोहराले बताए ।

उनले भने, ‘पक्राउ परेका दुईजनाको साथमा नाै ग्राम पाँच सय १० मिलिग्राम ब्राउन सुगर फेला परेको छ । पक्राउ परेकाहरूलाई लागूऔषध सम्बन्धी मुद्दामा अनुसन्धान भइरहेको छ ।’