पाल्पामा जिप दुर्घटना, २ काे अवस्था गम्भीर

 जिल्ला प्रहरी कार्यालय पाल्पाका अनुसार बुटवलबाट यात्रु लिएर जुठापौवा जाँदै गरेको लु१ख १४३१ नम्बरको जीप भैरव मावि छहराको निमार्णधीन भवन माथि बिहीवार बिहान ५ बजे आसपास दुर्घटना भएको हो ।

दुर्घटना आज बिहान करिब ५ बजे भएको हो । जीपमा ११ जना यात्रु रहेका थिए  । जसमध्ये २ जनाको अवस्था केही गम्भीर रहेको प्रहरीको भनाइ छ ।

दुर्घटनामा घाइते भएकाहरूलाई मिसन अस्पतालमा उपचारका लागि लगिएको इलाका प्रहरी कार्यालयका प्रहरी नायब निरीक्षक सोम सारुले जानकारी दिए ।

 बाटो  नदेखिएर दुर्घटना भएको चालकले बताएको प्रहरीको भनाइ छ ।