कपिलवस्तुमा भदौ ७ गते सम्म लकडाउन ।

ई–साझाकुरा, साउन ३२
गत साउन २७ गते जिल्लामा जारी गरिएको लकडाउनको समयावधि आज राति १२ बजे सकिन लागेको मा जिल्ला प्रशासनले लकडानउ थप एक हप्ता बढाएको छ ।

जिल्ला प्रशासनमा बसेको कोभिड(१९ नियन्त्रण तथा रोकथाम समितिको बैठकले कोरोनाको जोखिम जिल्लामा उच्च रहेको गर्दै भदौ १ गते देखि ७ गतेसम्म नै लकडाउनलाई निरन्तरता दिने निर्णय गरेको हो ।
प्रशासनले आइतबार दोस्रो पटक जारी गरेको लकडाउन सूचनामा केही फेरबदल भएको छैन् भने हालकै अवस्थामा जिल्लामा लकडाउन कायम हुने छ ।

साउन २७ गते प्रशासनले निषेधाज्ञा शब्द उल्लेख नगरेपनि यसपालि निषेधाज्ञा शब्द उल्लेख गरेको छ ।
स्थानीय प्रशासन ऐन २०२८ को दफा ६ ९३०, र संक्रामक रोग ऐन २०२० को दफा २ बमोजिम जिल्लामा निषेधाज्ञा लागु गरिएको प्रमुख जिल्ला अधिकारी दीर्घ नारायण पौडेलले जानकारी दिनुभयो ।