पुर्व मन्त्री सहित समुदाय स्तरमा वाणगंगाले ९९ स्वाब संकलन गर्यो

ई–साझाकुरा, साउन ३२

कपिलवस्तुको वाणगंगा नगरपालिकाबाट ९९ जनाको स्वाब संकलन गरिएको छ । आइतबार विहान सिद्धार्थ क्याम्पसबाट ९९ जनाको नुमना स्वाब संकलन गरिएको हो ।
नुमना संकलन गर्नेक्रममा वाणगंगाको मधुवनकी संक्रमित महिलाको घरपरिवारको पनि नमुना संकलन गरिएको थियो ।

वाणगंगा नगरपालिकाको स्वास्थ्य टोलि तथा कपिलवस्तु उद्योग वाणिज्य संघको किट सहयोगमा समुदायका स्थानिय, व्यापारीहरुको स्वाब संकलन गरिएको थियो । स्वाब संकलन गर्ने क्रममा पुर्वकृषि मन्त्रि चक्रपाणी खनाल (बलदेव)को पनि नमुना लिएको थियो ।

आइतबार संघका अध्यक्ष उमानाथ पौडेल लगायतका संघका पदाधिकारी, उद्योगी, व्यापारीको स्वाब लिइएको छ ।

आइतबार संकलन गरिएको स्वाबलाई परिक्षणका लागि प्रादेशिक अस्पताल बुटवल पठाउने तयारी भैरहेको नगरको स्वास्थ्य शाखा प्रमुख पौडेलले बताउनुभयो ।