वाणगंगा ७ मा चोरीका घटना बढे, मन्दिरको दान पेटिका नै चोरी

साउन ३२ कपिलवस्तु । कपिलवस्तुको वाणगंगा नगरपालिका वडा नम्बर ७ भित्रका विभिन्न क्षेत्रमा चोरीका घटना बढ्दै गएका छन् ।

केही साता यता घेरवा बनागाई क्षेत्रमा रातिको समयमा सवारी साधन देखि नगद सम्म चोरी भएका छन् । गय राति पनि वडा नम्बर ७ घेरवा बनगाई स्थित शिवालय मन्दिर भित्रको दान पेटिका चोरी भएको छ । मन्दिर भित्र राखिएको दान पेटिका रातको समयमा चोरी भएको मन्दिर व्यवस्थापन समितिले जनाएको छ । दान पेटिका भित्र करिब ८ देखि १० हजार रुपैया रहेको बताइएको छ । मन्दिर परिसरका पसलमा जडान गरिएका सिसि क्यामेर फुटेजका आधारमा मोटरसाईकलमा आएका व्यक्तिहरु मन्दिरमा प्रवेश गरेको देखिएको छ तर सवारी नम्मबर भने नखुलेको बताइएको छ ।

यस्तै गय राती नै वडा नम्बर ७ कै एक पसलमा पनि चोरीको प्रयास भएको छ । यद्यपि चोरहरुको समुह भने राति नै भागेको स्थानियले बताएका छन् । केही दिन अघि वडा नम्बर ७ बाटै एक मोटरसाईकल समेत चोरी भएको थियो ।