राप्ती नदीको टापुमा फसेकाको १२ घण्टा पछि सकुशल उद्दार

दाङ
केहि दिन यताको अबिलर वर्षका कारण आएको राप्ती नदीमा आएको बाढीमा फसेका चारजनाको उद्दार गरिएको छ । उनहरु राप्ती नदीको टापुमा फसेका थिए । नदीमा आएको बाढीका कारण बेला घाटमा फसेका चारजनाको १२ घण्टा पछि सकुशल नेपाली सेना, सशस्त्र प्रहरी र नेपाल प्रहरीको संयुक्त उद्दार टोलीले उद्धार गरेको हो ।

लमही नगरपालिका–७ हस्नापुरका ४८ वर्षे मन्साराम चौधरी, राजपुर गाउँपालिका–२ निवासी ४५ वर्षकी सावित्रा, सोही ठाउँका २६ वर्षे राधे यादव र राजपुर गाउँपालिका–३ प्रतापपुरका २६ वर्षे गणेश यादवको १२ घण्टापछि उद्धार गरिएको दाङ प्रहरीले जानकारी दिएको छ ।

‘भैँसी चराउन गएको बेला राप्तीमा भेल बढ्यो। त्यसपछि उनीहरु फर्कन सकेनन्। लगत्तै उद्धारको प्रयास सुरु भयो’, ‘राति १ बजेसम्मको प्रयास सफल हुन सकेन। अनि बिहान पुन उद्दार गरिएको हो ।

तीन परिवारका १७ भैँसी टापुमा छाडिएको छ। ‘बाढी कम भयो भने भैँसी ल्याउन जानुपर्छ’, श्यामलाल चौधरीले भने, ‘सधैँ त्यहीँ चराउन जाने गरेक थियौ, यसपाली बाढीले दुःख दियो।’ हामी बाहिर आयौं, भैंसी त्यही छन्, भैसीको चिन्ता छ ।ु