कपिलवस्तुमा ‘पञ्जाबी तड्का’को तीज धमाका, ५ सयदेखि १ हजारमै स्वादिष्ट स्पेशल प्याकेज

कपिलवस्तु । तीज नजिकिँदै गर्दा कपिलवस्तुको बाणगंगामा खानाका पारखी र तीज मनाउने समूहका लागि नयाँ स्वाद र विशेष अफरको तयारी सुरु भएको छ। बाणगंगा–४, ठकुरापुरस्थित पञ्जाबी तड्का रेस्टुरेन्ट एण्ड पार्टी प्यालेसले तीजलाई लक्षित गर्दै ‘तीज स्पेशल फुड अफर’ सार्वजनिक गरेको छ।

परिवार, साथीभाइ तथा समूहमा तीजको रमाइलो गर्दै स्वादिष्ट परिकारको आनन्द लिन चाहने ग्राहकलाई लक्षित गर्दै रेस्टुरेन्टले प्रतिप्लेट ५ सयदेखि १ हजार रुपैयाँसम्मका दुई विशेष प्याकेज ल्याएको हो।

५ सयमै स्न्याक्सको स्वाद, १ हजारमा पूरा मेन कोर्स

रेस्टुरेन्टको ५ सय रुपैयाँको स्न्याक्स प्याकेजमा भुटुवा, चिकेन चिल्ली, स्वीट कर्न, पिनट सलाद, आलु चोखा, फ्रेश सलाद र पाँच पिस चिकेन मःमः समावेश गरिएको छ।

त्यस्तै, १ हजार रुपैयाँको मेन कोर्स प्याकेजमा मटन करी वा लोकल चिकेन ग्रेभी, मटर पनिर, दाल मखनी, साग, तन्दुरी रोटी, जिरा पुलाउ, फ्रेश सलाद, पापड, दही, मिठाई, फुलकी चाट र एक सफ्ट ड्रिंकसमेत समावेश गरिएको रेस्टुरेन्टले जनाएको छ।

अर्थात्, तीजको जमघटमा नाचगानसँगै खानाको स्वाद लिन चाहनेहरूका लागि एउटै प्याकेजमा विभिन्न परिकारको स्वाद लिन सकिने व्यवस्था गरिएको छ।

२५ जनादेखि समूह बुकिङ

विशेष तीज प्याकेजका लागि न्यूनतम २५ जना पाहुना आवश्यक पर्नेछ। ग्राहकको सुविधाका लागि अग्रिम बुकिङको व्यवस्था समेत गरिएको रेस्टुरेन्टले जनाएको छ।

रेस्टुरेन्टका सञ्चालक यादव चुदालीले तीजको अवसरलाई लक्षित गरेर ग्राहकको चाहना र बजेटअनुसार प्याकेज तयार गरिएको बताए।

“तीज केवल पर्व होइन, परिवार र साथीभाइसँग खुसी साट्ने अवसर पनि हो। यही खुसीलाई थप स्वादिष्ट र सम्झनलायक बनाउन हामीले विशेष प्याकेज ल्याएका हौँ,” उनले भने।

‘ग्राहकको विश्वासले जिल्लाकै उत्कृष्ट बन्न सफल भयौँ’

पछिल्लो समय पञ्जाबी तड्का ग्राहकको रोजाइमा पर्दै गएको सञ्चालक चुदालीको दाबी छ। स्वाद, सरसफाइ, गुणस्तरीय सेवा र पारिवारिक वातावरणलाई प्राथमिकता दिँदै आएको उनले बताए।

“ग्राहकको माया, विश्वास र साथले पञ्जाबी तड्का पछिल्लो समय जिल्लाकै उत्कृष्ट रेस्टुरेन्टमध्ये एक बन्न सफल भएको छ,” चुदालीले भने।

विभिन्न स्वादका परिकारसँगै पार्टी तथा पारिवारिक जमघटका लागि उपयुक्त वातावरण र व्यवस्थित सेवाका कारण ग्राहकको आकर्षण बढ्दै गएको उनको भनाइ छ।

पञ्जाबी तड्काले तीजसँगै जन्मदिन, पारिवारिक जमघट, वैवाहिक कार्यक्रम, पार्टी तथा अन्य विशेष समारोहका लागि समेत सेवा दिँदै आएको छ।

तीजको अवसरमा साथीभाइ र परिवारसँग रमाइलो गर्ने योजना बनाइरहेकाहरूका लागि ५ सयदेखि १ हजार रुपैयाँसम्मका विशेष प्याकेजले आकर्षण थपेको छ। अब बाणगंगामा तीजको रौनकसँगै ‘पञ्जाबी तड्का’को स्वाद कत्तिको जम्छ, त्यो भने ग्राहकको रोजाइले देखाउनेछ।