तौलिहवा स्थित तौलेश्वरनाथ मन्दिरमा १ लाख ३२ हजार भेटी संकलन

कपिलवस्तु । महाशिवरात्रीको अवसरमा तौलिहवा स्थित ऐतिहासिक तौलेश्वरनाथ महादेव मन्दिरमा १ लाख ३२ हजार रुपैयाँ भेटी संकलन भएको छ । मन्दिर व्यवस्थापन समितिका अध्यक्ष राम कुमार गुप्ताले संकलित भेटीबारे जानकारी दिनुभएको हो ।

अध्यक्ष गुप्ताका अनुसार शिवरात्रीको दिन मन्दिरमा एक लाखभन्दा बढी श्रद्धालु भक्तजनले दर्शन गरेका छन् । महाशिवरात्रीका अवसरमा बिहानदेखि नै मन्दिर परिसरमा भक्तजनको ठूलो भीड लागेको थियो ।

श्रद्धालुहरूले पूजा, अर्चना तथा जल चढाएर भगवान शिवप्रति आस्था प्रकट गरेका थिए । मन्दिर परिसरमा विशेष सुरक्षा व्यवस्था तथा व्यवस्थापनको तयारी गरिएको समितिले जनाएको छ ।

समितिले संकलित भेटी तथा सहयोग रकम मन्दिरको व्यवस्थापन, सरसफाइ तथा आगामी धार्मिक कार्यक्रम सञ्चालनमा प्रयोग गरिने जनाएको छ ।