चिसो बढेसँगै कोइलीचौर सामुदायिक वनले दियो चोकचोकमा दाउरा

कपिलवस्तु | चिसो र शीतलहरको प्रकोपसँगै कपिलवस्तुको बाणगंगा नगरपालिका वडा नम्बर ९ भर्तापुरमा सामुदायिक वनले चोकचोकमा दाउरा वितरण गरेको छ । वडा नम्बर ९ भर्तापुर स्थित कोइलीचौर साना किसान सामुदायिक वन उपभोक्ता समुहले चोकचोकमा दाउरा वितरण गरेको हो ।

आसन्न शीतलहर र बढ्दो चिसोबाट उपभोक्तालाई सुरक्षित राख्न पूर्व तयारी स्वरुप यो कार्य गरिएको वनका अध्यक्ष कुन्तामणी भुसालले जानकारी दिए । चिसोबाट बच्न सर्वसाधारणका लागि वनले आफ्ना उपभोक्तालाई पायक पर्ने मुख्यमुख्य चोकहरूमा दाउरा वितरण गरेको उनले बताए ।

पुष लागेसँगै कपिलवस्तुसहित तराइका जिल्लामा चिसो बढेको छ भने कतिपय स्थानमा शितलहर नै चलेको छ । जसका कारण जनजीवन कष्टकर बनेको भन्दै सामुदायिक वनले वन उपभोक्ताहरुको सहजताका लागि भर्तापुर र भर्लाबासमा गरी ४५ स्थनमा पहिलो चरणका लागि काठ दाउरा वितरण गरेको हो ।

चोकचोकमा दाउरा बालेर आगो ताप्न सहज होस भन्नका लागि यस्तो कार्य गरिएको कोइलीचौर साना किसान सामुदायिक वन उपभोक्ता समुहले जनाएको छ ।