बर्दियामा सालकको खपटासहित एक जना पक्राउ

बर्दियामा सालकको खपटासहित एक जना पक्राउ परेका छन्। गुलरिया नगरपालिका-५ बालापुरका ४७ बर्षीय किशोरलाल थारु पक्राउ परेका हुन्।

उनलाई बिहीबार घरबाटै पक्राउ गरिएको हो। विशेष सुचनाको आधारमा घरमा खानतलासी गर्दा सालकको खपटा बरामद भएको थिए। सोही कारणा उनलाई पक्राउ गरिएको जिल्ला प्रहरी कार्यालय बर्दियाको डिएसपी देबेन्द्रकुमार मल्लले जानकारी दिए।

‘किशोरलालको कोठाबाट ३ केजी ९९० ग्राम सालकको खपटा बरामद गरिएको छ,’ डिएसपी मल्लले भने, ‘खपटासहित पक्राउ गरेका हौं।’ किशोरलाललाई थप आवश्यक कानुनी कारवाहीका लागि डिभिजन वन कार्यालय बर्दियामा बुझाइएको डिएसपी मल्लले बताए।