तीज नजिकिदै जाँदा बढ्यो सुनचाँदीको मूल्य

यतिबेला नेपाली नारीहरुको मुख्य पर्व तीज नजिकिदै जाँदा बजारमा सुनचाँदीको भाउ दिन प्रतिदिन उकालो लागेको छ । बजारमा सुन चाँदीको मुख्य बढ्दा तीज थप महंगो हुने पनि देखिएको हो ।
आज सोमबार सुनचाँदीको भाउ वृद्धि भएको छ । आइतबार तोलाको एक लाख ९५ हजार ५ सय रुपैयाँमा कारोबार भएको सुनको मूल्य ८ सयले वृद्धि भएको छ।

यस दिन एक तोला सुनको भाउ एक लाख ९६ हजार ३ सय रुपैयाँमा कारोबार भइरहेको छ । चाँदीको मूल्य तालामा ५ रूपैयाँले वृद्धि भएको नेपाल सुनचाँदी व्यवसायी महासंघले जनाएको छ ।

महासंघका अनुसार यस दिन चाँदीको मूल्य २ हजार ३ सय १५ रुपैयाँ पुगेको छ । हिजो आइतबार चाँदीको भाउ २ हजार ३ सय १० रुपैयाँ थियो ।