ब्राउन सुगरसहित पाँच युवक पक्राउ

प्रहरीले दाङ र बर्दियाबाट ब्राउन सुगरसहित पाँच जनालाई पक्राउ गरेको छ।

शुक्रबार गढवा गाउँपालिका- ६ का २२ वर्षीय लक्ष्मण बिष्ट, गढवा-४ का ३९ वर्षीय भन्साराम यादव र गढवा-६ का ३७ वर्षीय सदान मनिहारलाई प्रकाउ परेको जिल्ला प्रहरी प्रवक्ता डिएसपी चक्रडम्मर पालले जानकारी दिए।

यस्तै, शनिबार मधुवन नगरपालिका- ७ का २२ वर्षीय डिलबहादुर बस्नेत र मधुवन- ५ का २२ वर्षीय झलक डााँगीलाई पक्राउ गरिएको थियो।

उनका अनुसार बिष्टको साथबाट झन्डै साढे ६ ग्राम ब्राउन सुगर बरामद गरिएको थियो। नेपाल भारतसीमा नाका कोइलाबासदेखि गढवातर्फ आउँदै गरेको मोटरसाइकलमा सवार विष्टलाई शंका लागी चेकजाँच गर्दा ब्राउन सुगर फेला परेको थियो। प्रहरीका अनुसार उनी ब्राउन सुगर बिक्रेता हुन्। मनिहार र यादवको नाम भने बिष्टले पोलेका व्यक्ति हुन्।

यस्तै, मधुवन-७ गोपाल चोकमा प्रहरीले चेकजाँच गर्दा बस्नेत र डााँगीको साथबाट २५० मिली ग्राम ब्राउन सुगर बरामद भएको थियो।

पाँच दिनको म्याद थप गरी उनीहरूमाथि अनुसन्धान भइरहेको प्रहरीले जनाएको छ।