प्यूठानको झिमरुकमा जिप दुर्घटना, १४ जना घाइते

प्युठान | बुटवलबाट अर्खा जाने जिप झिमरुक(६ अर्गेलीमा दुर्घटना हुँदा १४ जना घाइते भएका छन् भने १ जनाको अवस्था गम्भीर रहेको जिल्ला प्रहरी कार्यालय प्युठानले जनाएको छ । बुटवलबाट प्युठानको अर्खा जाँदै गरेको लु २ ख ६३२२ जिप झिमरूक(६ अर्गेलीमा दुर्घटना भएको हो ।

गौमुखी पाँच निवासी आठ वर्षीय सरोज केसी, गौमुखीकी ३२ वर्षीया सुनीता केसी, गौमुखीकी ४२ वर्षीया खिमा मल्ल, गौमुखीका ३७ वर्षीय सन्तलाल गरुङ , गौमुखीका ५५ वर्षीय रेमलाल थापा, गौमुखीका ५० वर्षीय मोती पुन, झिमरुक ८ की ३२ वर्षीया सावित्रा बस्नेत, झिमरुक पाँचका ६० वर्षीय कुम्भ जिसी, धनकुमारी जिसी, मदानेका ३८ वर्षीय सालिकराम कुँवर छन् । वर्ष ५७ का धनकुमारीको अवस्था भने गम्भीर रहेको प्रहरीले जनाएको छ ।

घाइतेहरुको प्यूठान स्थित बिजुवारमा उपचार भइरहेको प्रहरीले जनाएको छ ।