क्रिप्टो करेन्सीको कारोबार गरेको आरोपमा दुई जना पक्राउ

क्रिप्टो करेन्सीको कारोबार गरेको आरोपमा प्रहरीले दुई जनालाई पक्राउ गरेको छ। केन्द्रीय अनुसन्धान ब्युरो (सीआईबी) ले दुई जनालाई पक्राउ गरेको एसपी होबिन्द्र बोगटीले जानकारी दिए।

नवलपरासी गैँडाकोट नगरपालिका ४ बस्ने २२ वर्षीय प्रज्ञान रिमाल र बागलुङ नगरपालिका ४ बस्ने २० वर्षीय आयुष शर्मा पक्राउ परेका हुन्।

उनीहरूलाई सीआईबीले बुधबार पक्राउ गरेको हो। यसबारे शुक्रबार मात्रै सार्वजनिक गरेको हो। रिमाललाई ठमेलबाट र शर्मालाई मनमैजुबाट पक्राउ गरेको थियो।

उनीहरू स्टारब्वइ सोलुशन्सका सञ्चालकहरू हुन्। उनीहरूले क्रिप्टोको कारोबार गरेको खुलेपछि प्रहरीले अनुसन्धान गरी पक्राउ गरेको एसपी बोगटीले बताए।

उनीहरूमथि काठमाडौं जिल्ला अदालतबाट ७ दिन हिरासतमा राख्न अनुमति लिएको छ।