सियारी गाउँपालिकामा करेन्ट लागेर युवकको मृत्यु

रुपन्देहीको सियारी गाउँपालिका-७ अमुवास्थित एमबिजि कन्ट्रक्सनमा काम गर्ने एक युवकलाई करेन्ट लागेर आइतबार बिहान मृत्यु भएको छ। बाँकेको राप्ती सेनारी गाउँपालिका-५ घर भएका २३ वर्षीय माने सार्कीलाई कामको क्रममा विद्युत् तारमा लुगा सुकाउने क्रममा करेन्ट लागेको हो।

घटनाको जानकारी अनुसार, माने सार्कीलाई करेन्ट लागेर गम्भीर घाइते भएपछि उनलाई लुम्बिनी प्रादेशिक अस्पताल बुटवलमा उपचारको लागि लगिएको थियो। उपचारको क्रममा उनको मृत्यु भएको प्रहरीले पुष्टि गरेको छ।

पुलिसले घटनाको सम्बन्धमा अनुसन्धान गरिरहेको जनाएको छ।