चीनको नयाँ नक्साले हिन्द–प्रशान्त क्षेत्रमा तनाव बढाउँदै

एजेन्सी

चीनले हालै जारी गरेको राजनीतिक नक्साले हिन्द–प्रशान्त क्षेत्रका देशको सार्वभौमसत्ता संरक्षणमा तनाव बढाउन थालेको सुरक्षा विश्लेषकहरूले बताएका छन् ।

चीनको निर्णयले द्वन्द्व भड्काउने अवस्था देखिएको भन्दै उनीहरुले चीनले नक्सा सच्याउनु उचित हुने सुझाव दिएका समाचारसंस्था एएनआईले जनाएको छ । चीनको नयाँ नक्सामा दक्षिणपूर्वी एसियाली राष्ट्रहरूको सङ्गठन आसियानका सदस्य देशहरु रुष्ट भएका छन् ।

चीनका एसियाली प्रतिद्वन्द्वी जापान र भारतले पनि असन्तुष्टि जनाएका छन् । नक्सा जारी गरेको केही समयमै चीनले आसियान देशका डुङ्गा र पानीजहाजमा अवरोध गरेको छ । भारत र जापानले नक्साको विरोध गर्दै चीनलाई औपचारिक पत्र पठाइसकेका छन् ।

आसियानका पाँच सदस्य मलेसिया, फिलिपिन्स, इन्डोनेसिया, भियतनाम र ब्रुनाईले सार्वजनिक वक्तव्य निकालेर चीनको आलोचना गरेका छन् ।

368