मेरा हितैषी मित्र र सुख दुःखको साथी, श्रद्धाञ्जली सुवासजी: ओली

नेकपा एमालेका अध्यक्ष केपी शर्मा ओलीले संविधानसभाका अध्यक्ष एवं पूर्वसभामुख सुवासचन्द्र नेम्वाङको अप्रत्यासित निधनमा दुख व्यक्त गरेका छन्।

उनले सामाजिक संजालमा स्टाटस राख्दै नेम्वाङलाइ श्रद्धाञ्जली व्यक्त गरेका हुन्। उनले नेम्वाङलाई पार्टीको उपाध्यक्ष मात्र होइन, हितैषी मित्र र सुख दुःखको साथी भएको बताएका छन्। लोकतान्त्रिक संविधान निर्माण गर्न नेम्वाङले पुर्याएको योगदानलाई सधैं सम्झिरहने पनि ओलीले बताएका छन्।

उनले लेखेका छन्,- ‘मेरा लागि उहाँ पार्टीको उपाध्यक्ष मात्र होइन, हितैषी मित्र र सुख दुःखको साथी हुनुहुन्थ्यो।  लोकतान्त्रिक संविधान निर्माण गर्न उहाँले पुर्याउनु भएको योगदान सधैं सम्झिरहने छौ। मृदुभाषी, विनम्र, शालीन मेरा साथी सुवास नेम्वाङप्रति भावपूर्ण श्रद्धाञ्जली १ उहाँका जीवनसंगिनी र परिवारजनमा गहिरो समवेदना व्यक्त गर्दछु। श्रद्धाञ्जली सुवासजी ‘

प्रतिक्रिया