घाँस काट्ने क्रममा करेन्ट लागेर एक जनाको ज्यान गयो

पाल्पा । पाल्पाको रामपुर नगरपालिका–५, भम्बकमा घाँस काट्ने क्रममा करेन्ट लागेर मंगलबार एक जनाको मृत्यु भएको छ । मृत्यु हुने ३४ वर्षीय गोविन्द कुमाल रहेको प्रहरीले जनाएको छ ।

घर नजिकैको बारीमा घाँस झार्ने क्रममा कुमाललाई करेन्ट लागेको प्रहरीले जनाएको छ । घाँसको डाला नांगो तारमा अड्किएपछि सोही डाला तान्ने क्रममा करेन्ट लागेर गम्भीर घाइते भएका हुन् ।

उनलाई रामपुर अस्पताल लगिएकोमा चिकित्सकले मृत घोषणा गरेका थिए । घटनाको थप अनुसन्धान भइरहेको छ ।