बाणगंगा ९ मा दुई मोटरसाइकल ठोक्किए, दुई जना घाइते

कपिलवस्तु । कपिलवस्तुको बाणग्ांगा नगरपालिकामा दुईवटा मोटरसाईकल एक आपसमा ठोक्किदा दुई जना घाइते भएका छन् । बाणगंगा नगरपालिका वडा नम्बर ९ भलवाड स्थित बनगाई– डोहोटे सडक खण्डमा मंगलबार साँझ करिब ७ बजेको समयमा भएको उक्त दुर्घटनामा परि वडा नम्बर ९ कै दुई पुरुष घाइते भएको प्रहरीले जनाएको छ ।

बनगाईबाट जिनुवा तर्फ गइरहेको लु १९ प ४३७७ नम्बरको मोटरसाइकल र जिनुवाबाट बनगाई तर्फ जाँदै गरेको लु ९१ प ३२३३ नम्बरको मोटरसाईकल एक आपसमा ठोक्किदा वडा नम्बर ९ बस्ने वर्ष ४६ को लाल मोहन गुप्ता र सोही स्थानको वर्ष २१ को आशिष पाण्डे घाइते भएका हुन । घाईतेहरु मध्ये पाण्डेको अवस्था सामान्य रहेको जनाइएको छ भने गुप्तालाई थप उपचारका लागि वुटवल पठाइएको परिवारजनले जनाएका छन् ।

यस्तै लु ९१ प ३२३३ नम्बरको मोटरसाइकलमा सवार वडा नम्बर ९ भर्तापुरका गणेश पौडेल भने सामान्य छन् । घटनाका विषयमा थप अनुसन्धान भइरहेको ईलाका प्रहरी कार्यालय पिपराले जनाएको छ ।

प्रतिक्रिया