कपिलवस्तुमा ट्रकको ठक्करबाट अर्घाखाँचीका १७ बर्षीय किशोरको ज्यान गयो

कपिलवस्तु । कपिलवस्तुमा बिहिबार ट्रकको ठक्करबाट अर्घाखाँचीका एक किशोरको ज्यान गएको छ । स्कुटरमा रहेका उनलाई ट्रकले ठक्कर दिएको हो ।

जिल्लाको बुद्धभूमि नगरपालिका २ गोरुसिंगेमा भएको उक्त दुर्घटनामा अर्घाखाँचीका १७ बर्षीय सम्राट खनालको मृत्यु भएको जिल्ला प्रहरी कार्यालय कपिलवस्तुले जनाएको छ । गम्भिर घाईते भएका उनलाई उपचारका लागी बुटवल लैजाने क्रममा मृत्यु भएको हो ।

मृतकका बुवा समेत रहेका स्कुटर चालक लक्ष्मण खनाल भने सामान्य घाईते भएका छन् । प्रहरीका अनुसार पश्चिमबाट पूर्वतर्फ जादै गरेको लु २ ख ६५०१ नम्बरको ट्रकले लु ६२ प ८७८४ नम्बरको स्कुटरलाई ठक्कर दिएको हो ।

प्रहरीले ट्रक र ट्रक चालकलाई नियन्त्रणमा लिएर थप अनुसन्धान अघि बढाएको जनाएको छ ।

156