इ–सेवाको ‘डिजिटाईजिङ्ग नेपाल’ कपिलवस्तुमा सम्पन्न

कार्यक्रममा ई–सेवा लुम्बिनी प्रदेश प्रमुख कमल सापकोटाले प्रशिक्षण दिंदै ई–सेवा जस्तो प्रविधि युक्त बहुउपयोगी ब्राण्डको भरपुर प्रयोग गर्न आग्रह गर्नुभयो । सन २०१७ सालबाट नेपाल राष्ट्र बैंकले अनुमति दिएको ई–सेवा त्यसलगत्तै नेपाल टेलिकमद्धारा सम्मानित भएको थियो । त्यस्तै ई–सेवाका नेपाल भर १ लाख ५० हजार बढि एजेन्ट भएको र ५० लाख बढि प्रयोगकर्ता रहेको पनि कार्यक्रममा जानकारी गराईएको थियो । साथै ई–सेवा मार्फत क्यु आर पेमेन्ट, बैंक ट्रान्सफर्म, ब्रोकर पेमेण्ट, एरलाईन्स मर्सेन्ट टपअप, क्यास ईन. लगायतका विभिन्न कारोबार गर्न सकिने बताईएको छ ।

कार्यक्रममा ई–सेवा कपिलवस्तुका प्रमुख खिम बहादुर क्षेत्रीले कार्यक्रम सफल पार्न सहयोग गर्ने सम्पुर्णलाई धन्यवाद व्यक्त गरे । प्रमुख क्षेत्रीले आई परेका समस्या समाधान गर्न आवश्यक सहयोग निरन्तर रहने प्रतिवद्धता व्यक्त गर्नुभयो । कार्यक्रममा ई–सेवा एजेन्टहरुले आ–आफ्ना जिज्ञासा तथा गुनासाहरु प्रस्तुत गरेका थिए भने प्रशिक्षकले ती जिज्ञासाहरुको जवाफ दिनुभएको थियो । विभिन्न सहकारीमा आवद्ध तथा व्यवसायीहरुको उपस्थिती रहेको कार्यक्रम ई–सेवा कपिलवस्तुका ईन्चार्ज प्रदिप अर्यालको सञ्चालनमा सम्पन्न भएको थियो ।