विजयनगरमा ६५ दिने आधारभुत सिलाईकटाई तालिम सञ्चालन

विजयनगर । कपिलवस्तुको विजयनगरमा ६५ दिने आधारभुत सिलाईकटाई सम्बन्धि सीप विकास तालीम उद्धघाटन गरिएको छ ।
सीप सिकौँ, आत्मा निर्भर बनौँ मुख्य नारा सहित गरीबी निवारणको लागि लघुउद्यम विकास कार्यक्रम अन्तर्गत तालिमको संचालन गरिएको कार्यक्रम प्रमुख अनिल सापकोटाले जानकारी दिनु भएको छ ।

तालिमलाई उद्धघाटन गर्दै गाउँ पालिका अध्यक्ष गोपाल बहादुर थापाले कार्यक्रम निरन्तर रहेकोले सफल व्यवसायी हुन जोड दिनु भयो । तालीमलाई अवसरको रुपमा लिए आम्दानीको श्रोत हुने आफू र परिवारको जीवनमा परिवर्तन हुने थापाले बताउनु भयो ।

कार्यक्रमलाई सम्बोधन गर्दै गाउँ पालिका उपाध्यक्ष लक्ष्मी कुमारी चौधरीले महिलालाई उद्यमि बनाउ यो अभियानलाई निरन्तरता दिने बताउनु भयो । फुर्सदको समय सदुपयोग हुने साथै आम्दानीको बाटो हुनेभएकोले छोराछोरी को उचित शिक्षामा समेत प्रत्यक्ष फाइदा पुग्ने चौधरीले बताउनु भयो । गाउँपालिकाको आयोजनामा वडा न।२ गहिरामा संचालन गरिएको तालीममा १६ जना सहभागीलाई श्याम कुमारी चौधरीले प्रशिक्षण दिनु हुनेछ ।