कपिलवस्तुमा एक बर्षमा सवा ५ करोडको अबैध सरसामान बरामद

कपिलवस्तु ।
कपिलवस्तुमा सिमा सुरक्षा गर्दै आएको सशस्त्र प्रहरी बल नेपाल नम्बर २८ गणले गत आर्थिक बर्ष २०७७/०७८ मा सवा ५ करोडको अबैध रुपमा भित्राइएका सरसामान बरामद गरेको छ । सीमा सुरक्षा लगातयका आफनो नियमति काम सहीत गत आर्थिक बर्ष सशस्त्र प्रहरीले ५ करोड २३ लाख ८ हजार २७० रुपैयाको अबैध मालसान लगातयका बस्तुहरु बरामद गरेको हो ।

नेपाल प्रहरीले पनि सो अवधिमा ५ करोड ७० लाखको अबैध मालसामान बरामद गरेको थियो । सशस्त्र प्रहरी उपरिक्षक धु्रब कार्की अनुसार गत बर्ष भारतबाट चोरी नाका हुदै जिल्ला भित्राइएका १ करोड ६३ लाख ७९ हजारको मालसामान जफत गरी भन्सार बुझाइएको थियो । यस्तै सवारी साधनबाट १ करोड २२ लाख ६७ हजार, अबैधरुपमा भित्राइएको ७६ लाख ७३ हजारको पशुपंक्षी बरामद भएको थियो ।

यस्तै १ करोड १९ लाख ६८ हजार ६४० रुपैया प्रतिन्धित नोट, ३३ लाख ९२ हजार काष्ट तथा बन पैदावार २ लाख १३ हजारको बिस्फोटका पदार्थ, ४ लाख ९३ हजारको नदीजन्य पदार्थ बरामद गरिएको थियो । चोरी तस्कारी र सिमा अपराध रोक्न सशस्त्र प्रहरी र भारतीय एसएसबिले संयुक्त सुरक्षा गस्ती समेत गर्ने गरेको छ ।

गत बर्ष सशस्त्र प्रहरी र नेपाल प्रहरीले कडाई गर्दा सुठौली भन्सारको लक्ष्यको करिब दोब्बर एक अर्ब ५१ करोड तथा कृष्णनगर भन्सारको लक्ष्यको ७ प्रतिशत बढी ५ अर्ब ७३ करोड राजस्व समेत सकलन भएको छ ।