कोइली नदीले बगायो पशुपतिलाई (भिडियो सहित )

कपिलवस्तु ।
कपिलवस्तुको कोईली नदीले बगाउँदा एक युवक बेपत्ता भएका छन् । अर्घाखाँचीको धारापानी स्थित ४० वर्षिय पशुपति पौडेल नदी तर्ने क्रममा कजवे पुल माथि रहेको उच्च वहावको बाढीले बगाउँदा बेपत्ता भएका हुन ।
अर्घाखाँचीबाट आफ्ना आमा बाबुलाई उपचारका लागि बुटवल लिएर जाँदै गर्दा उनी कपिलवस्तुको बाणगंगा नगरपालिका वडा नम्बर ९ भलवाड स्थित कोइली नदीको कजवे पुलबाट नदीमा खसी बेपत्ता भएको प्रत्यक्षदर्शीले बताएका छन् । उनी सवार लु २ प ५९०० नम्बरको गाडीबाट ओर्लीएर पैदल नदी तर्ने क्रममा नदीमा खसेका थिए । आफ्ना बुबा र आमालाई औषधी उपचारका लागि वुटवल लैजाने क्रममा बिहिबार कोइली नदीमा आएको बाढीले उनलाई बगाएको हो । उनको खोजी कार्य जारी रहेको प्रहरीले जनाएको छ । नेपाल प्रहरीको गोताखोरको टोलीले खोजीकार्य सुरु गरेको हो । बेपत्ता भएका पौडेल सँगै सवार गाडीमा ६ जना रहेका थिए । अन्यको अवस्था भने सामान्य रहेको छ । नदीको वहाव अनुमान गर्न पुलमा गएका उनी नदीमा खसेका हुन ।

भिडियो

https://www.youtube.com/watch?v=hTTluNNUtUs&t=120s

182