आइसीएफसी डिबेन्चरको १२% ब्याज वितरण गर्न बुक क्लोज मिति तय

काठमाडौं

आइसीएफसी फाइनान्सले डिबेन्चरको ब्याज वितरण गर्न बुक क्लोज मिति तय गरेको छ । कम्पनीले ‘आइसीएफसी फाइनान्स डिबेन्चर २०८३’ को दोस्रो अर्धवार्षिक ब्याज भुक्तानीका लागि साउन १ गते बुक क्लोज गर्ने भएको छ । तसर्थ, बिहीबार (असार ३१ गते) सम्म कायम डिबेन्चरधनीले मात्र अर्धवार्षिक (असार मसान्तसम्मको) ब्याज भुक्तानी पाउनेछन् । यस डिबेन्चरको ब्याजदर १२% रहेको छ ।

यता, पुल एकाउन्टमा डिबेन्चर भएमा पुल एकाउन्टको विवरण डिबेन्चर रजिष्ट्रार ग्लोबल आइएमई क्यापिटललाई उपलब्ध गराउन ब्रोकरहरुसँग आग्रह गरेको छ । यस्तो विवरण साउन ६ गतेभित्र बुझाइसक्नुपर्नेछ । अन्यथा, डिबेन्चरधनीले उपलब्ध गराएको बैंक खातामा ब्याज भुक्तानी गरिने डिबेन्चर रजिष्ट्रार ग्लोबल आइएमई क्यापिटलले जनाएको छ ।