बाणंगाले ल्यायो १ अर्ब २८ करोड बढिको बजेट

कपिलवस्तु

कपिलवस्तुको बाणगंगा नगरपालिकाले आगामी आर्थिक वर्ष २०७८/०७९ का लागि बुधबार वार्षिक बजेट सार्वजनिक गरेको छ । विभिन्न क्षेत्रगत योजना र विषयगत योजनाहरुमा बजेट विनियोजन गर्दै नगरपालिकाले कुल कुल १ अर्व २८ करोड ३२ लाख ४८ हजार ४ सय ८० रुपैयाको बजेट सार्वजनिक गरेको हो ।

नगरपालिकाका उप मेयर चक्रपाणी अर्यालले बजेट भाषण गर्दै नगरपालिका भित्रका ११ वटै वडाको विकासका लागि शुक्ष्म ढङ्गबाट बजेटले समेट््ने प्रयास गरिएको पनि दाबी गर्नुभएको छ । चालु आर्थिक वर्षको जेठ मसान्त सम्म नगरपालिकाको वित्तीय प्रगति ५८ प्रतिशत रहेको बजेट वक्तव्ययमा उल्लेख गरिएको छ ।

आगामी आर्थिक वर्षका लागि प्रस्तुत कुल बजेट मध्ये चालु खर्चका लागि ८७ करोड विनियोजन गरिएको छ भने पूजिँगत र अन्यखर्चका लागि ४१ करोड विनियोजन गरिएको छ । वाणगंगाका ११ वटा वडाहरुकालागि १२ करोड बजेटको सिलङ नगरपालिकाले छुट्टाएको छ ।चालु वर्षको भन्दा आगामी वर्षका लागि झण्डै १० करोड बढीको वजेट यस वर्ष बाणगंगा नगरपालिकाले सार्वजनिक गरेको हो ।

132