प्यान लिनेको सङ्ख्या ४० लाख नाघ्यो

काठमाण्डाै

नेपालमा स्थायी लेखा नम्बर प्यान लिनेको सङ्ख्या ४० लाख नाघेको छ । आन्तरिक राजश्व विभागका अनुसार वैशाख महिनासम्म प्यान लिनेको सङ्ख्या ४० लाख ४३ हजार सात सय पुगेको छ । यी मध्ये १५ लाख ९३ हजार व्यावसायिक प्यान, २४ लाख ४१ हजार व्यक्तिगत र नौ हजार एक सय प्यान कर कट्टी गर्ने निकायले लिएको प्यान रहेको छ ।

चालु आर्थिक वर्षको साउनदेखि वैशाख अर्थात १० महिनामा सात लाख ६ हजार नयाँ प्यान जारी भएका छन् । गएको वर्षको असारसम्म ३३ लाख ३७ हजार प्यान जारी भएकोमा अहिले ४० लाख नाघेको छ । यस्तै मूल्य अभिवृद्धि कर भ्याटमा दर्ता हुनेको सङ्ख्या पनि दुई लाख ८८ हजार पुगेको छ।

यो आर्थिक वर्षको १० महिनामा भ्याटमा दर्ता हुनेको सङ्ख्या ३२ हजार रहेको छ । यस्तै अन्तःशुल्कतर्फ एक लाख ११ हजार दर्ता भएका छन् । साउनदेखि वैशाखसम्म थप १७ हजार एक सय जना अन्तःशुल्कमा दर्ता भएका छन् । सरकारले सबै कारोबारीलाई करको दायरामा ल्याउन भन्दै प्यान, भ्याट र अन्तःशुल्कमा दर्ता गराउने कामलाई तीव्रता दिएको छ ।

115

प्रतिक्रिया

खबर सबै

लुम्बिनीका मुख्यमन्त्री र मन्त्रीले आधा महिनाको पारिश्रमिक प्रधानमन्त्री विपद् उद्धार कोषमा दिने

लुम्बिनी प्रदेश सबै

दैवीप्रकोप उद्धार कोषमा लुम्बिनी सरकारको तीन करोड सहयोग

साझा अपडेट

MENU