१७ लाख बढिले गरे कोरोना बीमा

काठमाडौं ।
कोरोना बीमा गर्नेको संख्या १७ लाख नाघेको छ । बीमा समितिको तथ्याकंले यस्तो देखाएको हो ।

तथ्याङक अनुसार हालसम्म कोरोना बीमालेख खरिद गर्नेको संख्या १७ लाख १३ हजार पुगेको छ । कोरोना बीमा गर्ने मध्ये ३१ हजार ९६५ जनाले भने भुक्तानी रकम बुझेका छन् ।

कोरोना बीमा गर्ने ३१ हजार ९६५ जना बीमितलाई ३ अर्ब ११ करोड २२ लाख रुपैयाँ भुक्तानी भएको छ । साथै २८ हजार ६१९ जना बीमितले कोरोना बीमाको भुक्तानी पाउन बाँकी रहेको छ ।

जसमध्ये ५ हजार २३७ दावीका फाइल स्वीकृत हुने प्रक्रियामा रहेका छन् । ३ हजार ७९ वटा फाइल आवश्यक कागजात नपुगेर सम्बन्धीत कम्पनीमा नै फिर्ता भएका छन् । ५ हजार ३२८ दाबीका फाइल स्वीकृत हुने प्रक्रियामा रहेको समितिले जनाएको छ ।

समितिका अनुसार १० हजार ९३ वटा दाबी स्वीकृत हुन बाँकी रहेको छ भने १ सय २१ वटा दाबीका फाइल अध्ययनका लागि पठाईने क्रममा रहेका छन् । ९ हजार ८६३ वटा दाबीका फाइल स्वीकृत हुने प्रक्रियामा रहेको बीमा समितिले जनाएको छ ।

कोरोना बीमा गरेका बीमितमध्ये ६० हजार भन्दा बढीलाई कारोना पोजेटिभ देखिएको छ । कोरोना बीमा गर्ने ६० हजार ५८४ जनाको रिपोर्ट पोजेटिभ देखिएको समितिले जनाएको छ ।

105