डुंगा दुर्घटना हुँदा ७४ जनाको डुबेर मृत्यु

कार्तिक २८, ई–साझाकुरा

१ सय २० आप्रवासी यात्रुहरु बोकेको डुंगा लिबियास्थित भूमध्यसागरीय तटमा दुर्घटना हुँदा ७४ जनाको डुबेर मृत्यु भएको छ । संयुक्त राष्ट्रसंघका अनुसार बिहीबार यस्तो दुर्घटना भएको हो । डुंगामा महिला र बालबालिका समेत थिए । जहाँ ३१ जनाको शव सनाखत भइसकेको छ । पछिल्लो अक्टोबरदेखि भूमध्यसागरीय क्षेत्रमा डुंगा दुर्घटना भएको यो ठूलो घटना हो ।

राष्ट्रसंघका अनुसार यस वर्ष मात्रै भूमध्यसागरीय क्षेत्रमा यस्तै प्रकृतिका डुंगा दुर्घटनामा ९ सय जनाको मृत्यु भइसकेको छ । साथै ११ हजार मानिस युद्धग्रस्त क्षेत्र लिबियामा फर्किएका छन् । राष्ट्रसंघका अनुसार उनीहरुमाथि त्यहाँ मानवअधिकार हिंसा भएको छ ।

अफ्रिकी मुलुक र लिबिया र अन्य मध्यपूर्वी देशबाट पछिल्लो समय अवैध रुपमा यूरोपतिर छिर्ने क्रम बढ्दो छ । युद्धप्रभावित क्षेत्रबाट मानिसहरु यूरोप गइ शरणार्थीको रुपमा बसोबास गर्न समुद्री डुंगाको प्रयोग गर्ने गर्छन् । लिबिया भने २०११ मा शासक मोहाम्मर गद्दाफीको हत्यापछि द्वन्द्वमा फसेको छ । २०१४ यता मात्रै भूमध्यसागरीय क्षेत्रमा कम्तिमा २० हजार आप्रवासीहरुको यस्तै डुंगा दुर्घटनामा मृत्यु भइसकेको छ ।

116

प्रतिक्रिया

खबर सबै

वाणगंगा नगरपालिकामा बालमैत्री सहजकर्तामाथि विभेदपूर्ण व्यवहार भएको गुनासो

लुम्बिनी प्रदेश सबै

रास्वपा प्रवेश गरेका विजयनगरका उपाध्यक्ष र वडा अध्यक्षको पद रिक्त

साझा अपडेट

MENU