सुगा बने जापानको नयाँ प्रधानमन्त्री

भदौ ३१, काठमाण्डौ ।
योशिहिदे सुगा जापानको नयाँ प्रधानमन्त्री बन्नुभएको छ । संसदमा बुधबार भएको चुनावमा सुगा प्रधानमन्त्रीमा निर्वाचित हुनुभएको हो ।
यसअघि जापानको सत्तारुढ पार्टीले योशिहिदेलाई नयाँ नेता बनाउने निर्णय गरेसँगै उहाँ प्रधानमन्त्री बन्ने पक्का भएको थियो । गएको महिना शिन्जो आबेले स्वास्थ्यका कारण प्रधानमन्त्रीबाट राजीनामा दिनुभएको थियो ।
७१ वर्षका योशिहिदे यसअघिको मन्त्रिपरिषदमा सचिवको भूमिकामा हुनु हुन्थ्यो । उहाँ आबेका नजिकका सहयोगी मानिनु हुन्छ । उहाँले प्रधानमन्त्रीका रुपमा आबेका नीतिहरु अघि बढाउने अनुमान गरिएको छ ।
किसान परिवारको सुगा सन् १९९१ मा प्रधानमन्त्री बन्नुभएका किचि मियाजावापछि सवैभन्दा पाको उमेरको प्रधानमन्त्री हुनुभएको छ ।
प्रधानमन्त्रीका रुपमा निर्वाचित भएपछि उहाँले देश र जनताको लागि काम गर्न आफू सधैँ प्रतिबद्ध रहेको बताउनुभएको छ ।

142

प्रतिक्रिया

खबर सबै

सुनचाँदीको मूल्यमा नयाँ कीर्तिमान

लुम्बिनी प्रदेश सबै

२० प्रतिशत जनसंख्या गरिबीको रेखाभन्दा तल, लुम्बिनीमा मात्रै २४ प्रतिशत बढी
Oplus_131072

साझा अपडेट

MENU