रुपन्देही र दाङबाट लागुऔषधसहित ३ जना पक्राउ

साझाकुरा | दाङको तुलसीपुर उपमहानगरपालिका १८ हेमन्तपुर कोलकाटे टोलबाट ब्राउनसुगर ४ सय ७० मिलिग्रामसहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका ६ गोठलीगाउँ बस्ने ३२ वर्षीय श्रीधर डाँगी र सोही उपमहानगरपालिका ६ गाइडर बस्ने ४० वर्षीय लुपेन्द्र पोख्रेल रहेका छन् । प्रहरी चौकी बिजौरीबाट खटिएको प्रहरीले रा ७ प ३०६९ नम्बरको मोटरसाइकलमा सवार उनीहरूलाई उक्त पदार्थसहित पक्राउ गरेको हो । 

यस्तै रूपन्देहीको बुटवल उपमहानगरपालिका ६ ट्राफिक चोकबाट  ब्राउनसुगर करिब १ ग्राम ६ सय ६० मिलिग्रामसहित सोही उपमहानगरपालिका ११ बस्ने ४४ वर्षीय केशर बहादुर दर्जीलाई शुक्रबार राति प्रहरीले पक्राउ गरेको छ । लागुऔषध नियन्त्रण ब्युरो शाखा कार्यालय भैरहवा र अस्थायी प्रहरी पोस्ट ट्राफिक चोकबाट खटिएको प्रहरीले लु ७३ प ६४५४ नम्बरको स्कुटरमा सवार उनलाई उक्त पदार्थ सहित पक्राउ गरेको हो ।