जुवातास खेलिरहेको अवस्थामा पाँच जना पक्राउ

२१ मंसिर २०८१, दाङ | जुवातास खेलिरहेको अवस्थामा पाँच जना पक्राउ परेका छन्। तुलसीपुर उपमहानगरपालिका(६ हिमाल टोल बस्ने गोविन्द आचार्यको घरमा जुवातास खेलिरहेको अवस्थामा सोही उपमहानगरपालिका(५ बस्ने ३१ वर्षीय तुलसीराम आचार्यसमेत ५ जनालाई बिहीबार दिउँसो प्रहरीले पक्राउ गरेको छ।

जिल्ला प्रहरी कार्यालय दाङ र इलाका प्रहरी कार्यालय तुलसीपुरबाट खटिएको प्रहरीले उनीहरूलाई नगद ९२ हजार १ सय ६५ रुपैयाँ, ३ बुक तास र ३२ थान कौडासहित पक्राउ गरेको हो।

यस सम्बन्धमा प्रहरीले आवश्यक अनुसन्धान गरिरहेको छ।