बनको संरक्षण र सम्बर्धन गर्न झाडि सफाई

भलवाड ।
कपिलवस्तुको वाणगंगा ९ भर्लाबास उत्तमनगर टोलमा रहेको खत्खुते सामुदायिक बन उपभोक्ता समुहको आयोजनामा आफ्नो दिगो बन बिकासमा आफ्ना बनका उपभोक्ता मार्फत झाडि सफाइ शुरु गरेको छ । हरेक बर्ष बनको संरक्षण सम्बर्द्धन गर्न झाडि सफाइ गर्ने काम निरन्तर रूपमा गर्दै आएको समुहका अध्यक्ष भिम बहादुर पुनले बताउनुभयो ।

बनको आम्दानीबाट गाउँमा भौतिक पुर्बाधारमा ३ किलोमिटर सडक ग्राभेल ,३ वटा सडकमा कल्भर्ट निर्माण ,वडागत वजेटको समपुरक वजेटमा सडक कालोपत्रे ,डिभिजन वन कार्यालयको समन्वयमा बसपार्कमा पार्क निर्माण जस्ता रचनात्मक कार्य गर्दै आएको अध्यक्ष पुनले बताउनुभयो ।

झाडि सफाई कार्यक्रममा सब डिभिजन वन कार्यालय गोरुसिङेका प्रमुख बसन्त थापाले सो बनको अनुगमन गरेका थिए । दिगो बन ६ दशमलव ५ हेक्टर क्षेत्रफलमा रहेको छ । यस बनमा २ सय ७ बन उपभोक्ताहरु आवद्ध रहेको समुहकी सचीव मोतिकला पुनले बताउनुभयो ।

119