एमाले बाणगंगा ५ को नेतृत्व अर्याललाई

रामबहादुर गन्धर्व,कपिलवस्तु ।
जनताको बहुदलीय जनवाद –जिन्दावाद भन्ने मुल नारा सहित नेपाल कम्युनिस्ट पार्टी (एमाले ) बाणगंङ्गा नगरपालिका वडा नं.५ को प्रथम वडा अधिवेशन शनिबार सम्पन्न गरिएको छ । सम्पन्न भेलाले बाबुराम अर्याल अध्यक्ष रहने गरि पाँच जनाको पदाधिकारी सहित ३० सदस्यीय वडा कमिटी गठन गरेको छ ।

जसको उपाध्यक्षमा खडानन्द गौतम ,सचिवमा मधु पाण्डे ,उपसचिवमा जानकी चौधरी र पदम भट्टराई रहेका छन् भने अन्य सदस्यमा रहेका छन् । जस मध्ये १२ सदस्य नगरप्रतिनिधिमा छनौट गरेको पनि भेलाले जनाएको छ ।

भेलालाई सम्बोधन गर्दै वडा नम्बर ५ का वडा अध्यक्ष समेत रहेका एमाले नेता भिष्मराज भुसाल ,चिरञ्जीवी गिरी ,युवराज पोख्रेल लगाएतले नव गठित पदाधिकारीहरूलाई सफलताको शुभकामना दिएका छन् ।

बाबुराम अर्यालको अध्यक्षता ,पार्टीका बिभिन्न नेतृत्वमा रहेका प्रतिनिधिको सहभागीता रहेको कार्यक्रम खडानन्द गौतमको सञ्चालनमा सम्पन्न भएको छ ।