असोज २७ गते मर्निङ वाक निस्केका वाणगंगा ७ का एक युवा बेपत्ता

कपिलवस्तु
कपिलवस्तु जिल्लाको बाणगंगा नगरपालिकाबाट एक पुरुष हराएका छन् । नगर स्थित वडा नंं.७ बनगाई निवासी ३६ बर्षिय खिमराज गिरी एक हप्तादेखि हराएका हुन् ।

गत असोज २७ गते बिहान ६ बजे मर्निङ वाक जान्छु भनी घरबाट हिँडेको उनी अहिलेसम्म पनि सम्पर्कमा नआएपछि उनका परिवार तनावमा छन् ।

श्रीमती तुलसी गिरी र २ छोराले खोजी गरिदिन वडाध्यक्ष, आफन्त, मानवअधिकारकर्मी, पत्रकार तथा प्रहरीलाई समेत अनुरोध गरेका छन् । अहिले उनको मोवाइल पनि स्वीच अफ छ ।

वडाध्यक्ष विष्णु गिरीले पनि खोजि गरिदिन सामाजिक संजालमार्फत् आग्रह गर्नुृ भएको छ । परिवारका अनुसार उनी अहिलेसम्म कुनै समस्या नभएको र ठिकठाक नै रहेको बताएका छन् ।

गिरीलाई भेटाउनेले ९८५७०५०८२० र ९८५१०९४४७६ मा सम्पर्क गर्न परिवारले अनुरोध गरेको छ ।