प्रदेश ५ मा अब ३०मिनेटमै कोरोना परिक्षणको रिपोर्ट आउने

साउन ३१ बुटवल ।प्रदेश नम्बर पाँच मा अब कोरोना परिक्षणको रिर्पाेट ३० मिनेटमै आउने गरी नयाँ परिक्षण मेसिन थप गरिएको छ । लुम्बिनी प्रादेशिक अस्पतालमा कोरोना भाइरस परिक्षणको नयाँ सेवा शुरु भएको हो ।

नेपाल सरकार राष्ट्रिय क्षयरोग कार्यक्रम अन्तरगर्त उपलब्ध जिन एक्सपट मेशिनलाई अपडेट गरि अस्पतालमा एक्सपर्ट एक्सप्रेस सार्स कोभ टू परीक्षण सेवा शुरु गरिएको अस्पतालले जनाएको छ ।

सामाजिक विकासमन्त्री सुदर्शन बरालले शुक्रबार मेशिनबाट आफ्नै स्वाव परीक्षण गरि सेवा शुभारम्भ गरेका थिए । उनको रिपोर्ट ३० मिनेटमा नै आएको थियो । सामाजिक विकास मन्त्रालयका एक उच्च कर्मचारी कोरोना भएको पुष्टि भएको थियो ।

सामान्य पिसिआर परीक्षणको समावधि ढिला हुँदा उपचार समस्या भएको गुनासो आइरहेको बेला यो मेशिनबाट सहयोग मिल्ने मन्त्री बरालले बताए ।

मेडिकल सुपरिटेण्ड डा।राजेन्द्र खनालले मेशिनबाट कोभिड १९ को संकास्पद बिरामीको रिपोर्ट पोजिटिभ भए ३० मिनेट र नेगेटिभ भए ४५ मिनेटमा नै उपलब्ध हुने हुँदा यो धेरै प्रभावकारी हुने दावी गरे ।