बाणगङ्गा नदि तटीय ‘बाढी पूर्व सुचना सञ्जाल’ गठन

रामबहादुर गन्धर्व | बाणगङ्गा नदि तटीय बाढी पूर्वसुचना चेतावनी समन्वय समितिकाे अभिमुखिकरण गाेष्ठी तौलिहवामा सम्पन्न भएको छ। युनाइटेड मिसन टु नेपालकाे सहयोग ,बिपद ब्यवस्थापन राष्ट्रिय सञ्जाल नेपालकाे सहकार्य र दलित सामाजिक बिकास केन्द्र कपिलवस्तुकाे आयोजनामा भएको उक्त गाेष्टीले जिल्लाका विभिन्न पालिका भित्र रहेका प्रभावित क्षेत्रकाे सुरक्षाका लागि श्यामु काेरीकाे संयाेजकाेत्वमा आवश्यकता अनुसार १७ सदस्यीय रहने गरि ११ सदस्यीय सुचना सञ्जाल गठन गरेको हाे ।

जसकाे उप संयाेजकमा रामबहादुर गन्धर्व रहेको समितिकाे सदस्यहरूमा गौतम चमार ,रामबृक्ष केवट,झगरू थारू,शिवशंकर तेली,बिक्रम हरिजन,शिव ओम कहांर जितन्दर चाई ,नारायण प्रसाद अर्याल र रमेश चौधरी रहेका छन् ।

त्यस्तै दलित सामाजिक बिकास केन्द्र संयाेजक रहने गरि सल्लाहकार समिति पनि गठन भएको छ ।जसको सदस्यमा सामुदायिक बिपद ब्यवस्थापन राष्ट्रिय सञ्जाल नेपाल रहेको छ।

बुधबार आयोजित कार्यक्रममा रमेश प्रसाद चौधरीले कार्यक्रमकाे बारेमा स्पष्ट पारे। २२बढी सहभागी रहेको साे कार्यक्रम बिपद ब्यवस्थापन समुदाय ग्रुपका केन्द्रीय संयाेजक जग्गनाथ प्रसाद कुर्मीले सहजीकरण गरेको उक्त कार्यक्रम आयोजक संस्थाका अध्यक्ष सुरजमति पासीकाे स्वागत तथा लग्गन हरिजनकाे सञ्चालनमा सम्पन्न भएको थियो ।