कपिलवस्तु नगरपालिकाले पनि दियो विद्यालयमा गर्मी बिदा

कपिलवस्तु । अत्यधिक गर्मी बढेसँगै कपिलवस्तुको कपिलवस्तु नगरपालिकाले विदालयमा बिदा दिएको छ । अहिले अत्याधिक गर्मीका कारण जनजीवन प्रभावित भएको छ । त्यसको प्रत्यक्ष असर सबैभन्दा बढी विद्यालयमा परेको छ । गर्मीका कारण पठनपाठन गर्न समस्या भएपछि कपिलवस्तु नगरपालिको बिदा दिएको हो ।

कपिलवस्तु नगरपालिकाका प्रमुख प्रशासकीय अधिकृत गणेशप्रसाद अर्यालका अनुसार तराई क्षेत्रमा केही दिनदेखि बढ्दै गएको अत्यधिक गर्मीका कारण विद्यालयहरूमा पठनपाठनका क्रियाकलाप सञ्चालन गर्न कठिनाइ उत्पन्न भएकाले पाँच दिनका लागि गर्मी बिदा दिइएको बताउनुभयो । नगरपालिका भित्र जेठ २२ गतेदेखि जेठ २६ गतेसम्म सम्पूर्ण विद्यालयहरूमा गर्मी बिदा दिइएको प्रमुख प्रशासकीय अधिकृत अर्यालले बताउनुभयो ।

यता जिल्लाको बाणगंगा नगरपालिकाले पनि गर्मी बिदा दिएको छ । नगरपालिकाका प्रधानाध्यापकहरुको शुक्रबार बसेको बैठकले सोमबारबाट लागु हुने गरी जेठ २८ गते सम्म विद्यालयमा बिदा दिएको हो ।

236

प्रतिक्रिया

खबर सबै

हथौसा लिटिल पत्रु खाना निषेध अभियान तथा सचेतनामूलक कार्यक्रम

लुम्बिनी प्रदेश सबै

लुम्बिनी प्रदेशमा भदाै २९ गते सार्वजनिक बिदा

साझा अपडेट

MENU