नेविसंघ कपिलवस्तुले वृक्षरोपण गरि मनायो ५४ औं स्थापना दिवस

कपिलवस्तु । नेपाल विधार्थी संघ कपिलवस्तुले ५४ औं स्थापना दिवस विभिन्न कार्यक्रम गरि मनाएको छ । बुधबार जिल्लाका विभिन्न क्याम्पसमा विभिन्न कार्यक्रम गरि नेविसंघले ५४ औं स्थापना दिवस मनाएको हो ।

सो क्रममा बाणगंगा नगरपालिका १ मा अवस्थित सिद्धार्थ क्याम्पस परिसरमा वृक्षरोपण गरिएको छ । लुम्बिनी प्रदेश सभा सदस्य राजेश आचार्यको प्रमुख आतिथ्यतामा उक्त कार्यक्रम सम्पन्न गरिएको हो ।

प्रदेश सभा सदस्य आचार्यलेले वृक्षरोपण कार्यक्रमले बढ्दो जलवायु परिवर्तनलाई सन्तुलन गर्न महत्वपुर्ण भूमिका निर्वाह गर्ने बताए । उनले विभिन्न राजनीतिक परिवर्तन र शैक्षिक आन्दोलनहरुमा नेविसंघले महत्वपूर्ण भूमिका निर्वाह गरेको बताए । उनले पछिल्लो समय नेविसंघ अस्थिर र प्रभावहीन बन्दै गएको भन्ने आरोपलाई चिर्न आवश्यक रहेको बताए ।

क्याम्पसको सौन्दर्यीकरणमा सहयोग पुगोस् भन्ने उद्देश्यले वृक्षरोपण कार्यक्रम सम्पन्न गरिएको क्याम्पसका स्ववियू सभापति निलकमल थारुले बताए । बढ्दो वातावरण प्रदुषणलाई कम गर्दै स्वच्छ हावा प्रत्याभूति गर्न सबैले यस्ता कार्यक्रम गर्नुपर्ने उनको भनाई छ ।

स्ववियू सभापति थारुले क्याम्पस र विधार्थीको वृहत्तर हितको लागी काम गर्दै जाने प्रतिवद्धता जनाए ।

सो अवसरमा शुभकामना आदानप्रदान समेत गरिएको थियो । कार्यक्रममा कांग्रेस नेताहरु विष्णु थापा, सुर्यप्रसाद बराल, गणेश बहादुर क्षेत्री, मनोज पौडेल, पदम बहादुर सेन, मिन थापा, टिआर पाण्डे लगायतको उपस्थिति रहेको थियो । विसं २०२७ वैशाख ६ गते काठमाडौंंको स्वयम्भूस्थित सत्तलमा नेता कृष्णप्रसाद भट्टराईको प्रमुख आतिथ्यमा नेविसंघको स्थापना भएको थियो ।

91

प्रतिक्रिया

खबर सबै

लुम्बिनीमा कांग्रेसका मन्त्रीले तत्काल राजीनामा नदिने

लुम्बिनी प्रदेश सबै

लुम्बिनीमा कांग्रेसका मन्त्रीले तत्काल राजीनामा नदिने

साझा अपडेट

MENU