बाणगंगाको भलवाडमा घरको ताला तोडेर नगद र गहना चोरी

कपिलवस्तु । कपिलवस्तुको बाणगंगामा गयरति एक घरमा चोरी भएको छ । बाणगंगा नगरपालिका वडा नम्बर ९ भलवाड स्थिति भर्तापुरमा साबित्रा पाण्डेको घरमा चोरी भएको हो ।

घरमा कोही पनि नभएको मौका पारी चोरी भएको पारिवारिक स्रोतले बताएको छ । परिवारका सदस्य कोही पनि घरमा नभएको बेला गय राति घरको मुल ढोकामा लगाइएको ताल तोडेर चोरी भएको हो । घरबाट नगद करिब ८० हजार रुपैँया पैसा र केही सुनका गरगहना चोरी भएको छ ।

आज बिहान घटना थाहा पाए लगत्तै वडा अध्यक्ष कमल पौडेल सहित स्थानीय पुगेका थिए । घरको ढोकामा लगाइएको ताला तोडिएको अवस्थामा थियो भने घरभित्रका दराज तोडिएको अवस्थामा रहेका थिए ।

घटनाको अनुसन्धान भइरहेको इलाका प्रहरी कार्यालय पिपराले जनाएको छ । प्रहरी निरिक्षक दिपक बाबु के.सीका अनुसार चोरी गर्ने व्यक्तिको खोजी कार्य जारी रहेको जानकारी दिनुभएको छ ।

113