भारतले चौथो पटक पठायो प्राविधिक टोलीसहित राहत सामग्री

रसुवाको भोटेकोसीमा आएको बाढीपछि भारतले चौथोपटक राहत सामग्री पठाएको छ ।

भारतको विदेश मन्त्रालयले ११ टन राहत सामग्री बोकेको चौथो उडान नेपालमा अवतरण भएको जानकारी दिएको छ । राहत सामग्री हस्तान्तरण गरिएको पनि जनाएको छ ।

मन्त्रालयका अनुसार चौथोपटकमा भारतले खोज तथा उद्धार कार्यका लागि उपकरणसहितको सुरुङ प्राविधिक टोली पनि पठाइएको छ ।

त्यस्तै, डीएनए विश्लेषणका लागि फोरेन्सिक विज्ञहरूको टोली र कम्बल, स्लिपिङ ब्याग, त्रिपाल, प्लास्टिक सिट तथा सरसफाइ किटसहितका राहत सामग्रीहरू समावेश रहेका भारतीय विदेश मन्त्रालयले जानकारी दिएको छ ।

त्यस्तै, थप २३० फिट सिंगल लेन मोड्युलर स्टील पुलको लागि उपकरण बोकेका १६ ट्रकहरू नेपाल आइपुगेका पनि जानकारी दिइएको छ ।

थप सात बेली ब्रिजहरू स्थापनाका लागि उपकरणहरू चाँडै आपूर्ति गरिनेछ। तिनीहरूको स्थापनाका लागि प्राविधिक टोलीहरू चाँडै पुग्ने अपेक्षा गरिएको जनाइएको छ ।